talab men bose ki kya hai hujjat saval digar javab digar
samajh ke kah baat be-muravvat saval digar javab digar
kalam tujh se hai aur apna suḳhan ko ham tere kyunki janen
zara ye khulti nahin haqiqat saval digar javab digar
main apne matlab ki kah raha huun vo a.ina-ru ik aib men hai
bhala ho milne ki ḳhaak surat saval digar javab digar
agar kahun main sanvaro zulfen to vo bigaḌte hain de ke gaali
ajab nasibon ki kuchh hai shamat saval digar javab digar
mira to paigham vasl ka hai tumhari taqrir hijr ki hai
butan hai ye bhi ḳhuda ki qudrat saval digar javab digar
kaha jo main ne ki do mira dil to bole hans kar kidhar hai dili
kahun to kya aur un ko rahmat saval digar javab digar
Leave a Reply