Rahbar Jaunpuri
taḳhliq kise kahte hain hai azmat-e-fan kya
avaz-faroshon ke liye sher-o-suḳhan kya
phulon ki tijarat ka chalan aam hai ab bhi
luTti hi rahegi yunhi taqdis-e-chaman kya
mazlum ki chiḳhon ko bhi sunta nahin koi
is shahr men baste hain sabhi sang-badan kya
ham aa to ga.e ban ke ziya zulmat-e-shab men
is ghor andhere men magar ek kiran kya
vaqt aane pe sar apna kaTa dete hain ‘rahbar’
ham ko nahin malum ki hai hubb-e-vatan kya
Leave a Reply