Dimagh Qalb-O-Kalam Manzar

dimāġh qalb-o-kalām manzar

vo sar se pā tak tamām manzar

vo zulf-e-shab-rañg ḳhvāb-ālam

lahū rulā.egā shaam manzar

tirī ḳhamoshī ġhubār aisī

hamārā husn-e-kalām manzar

laboñ ke yāqūt kī chamak se

chamak uThe haiñ tamām manzar

zamīn mehvar se haT ga.ī hai

badal chukā hai maqām manzar

na.ī ġhazal par haiñ sab kī nazreñ

na.e dikhāo ‘nizām’ manzar

Leave a Comment