taKHayyul Ko Bari Karne Laga Hun

taḳhayyul ko barī karne lagā huuñ

maiñ zehnī ḳhud-kushī karne lagā huuñ

mujhe zinda jalāyā jā rahā hai

to kyā maiñ raushnī karne lagā huuñ

maiñ ā.īnoñ ko dekhe jā rahā thā

ab in se baat bhī karne lagā huuñ

tumhārī bas tumhārī dushmanī meñ

maiñ sab se dostī karne lagā huuñ

mujhe gumrāh karnā ġhair-mumkin

maiñ apnī pairvī karne lagā huuñ

Leave a Comment