Hasan Nizami
tai mujh se zindagi ka kahan fasla hua
hai mera gham ke phuul se daman bhara hua
hariyaliyon ke vaste ankhen taras ga.iin
har khet men mila hamen patthar uga hua
uḌti hui patang ke manind main bhi huun
mazbut ek Dor se lekin bandha hua
har samt ehtijaj ki avaz mar ga.i
kis ḳhamushi ke saath ye mahshar bapa hua
is shahr ko faqir ki jab bad-dua lagi
barish hui na phir koi manzar hara hua
dekha hai us ke saath bhi chal kar bahut ‘hasan’
lagta hai vo hasin agar ho ruka hua
Leave a Reply