Poet
jata na mere ta.iin apna tu hunar vaa.iz
tu apne fe.al se munh apna ḳhaak bhar vaa.iz
nasihat auron ko karta hai chaḌh ke mimber par
magar nahin hai tire dil pe kuchh asar vaa.iz
zaban pe va.az hai aur dil tira hai istighlaz
ba-va.az-e-behuda mat bandh tu kamar vaa.iz
amal ba-va.az kar apne ba-sidq-o-dil varna
tu apne haal ko dekhega dar-hashar vaa.iz
baḌha ke riish ko apni bhi juun dum-e-ta.us
ye kis ḳhayal pe bhula hai abla-ḳhar vaa.iz
ḳhuda karim hai chahega jis ko baḳhshega
kisi pe ta.an ki angusht tu na dhar vaa.iz
tu apne va.az pe vaa.iz na bhuul sach hi nahin
ki raz-e-ishq se tere ta.iin ḳhabar vaa.iz
muqabla ba-bahas mat kar ahl-e-rindan se
ki jis men aap ke ho riish ka zarar vaa.iz
kalam-e-be-namak-o-be-asar se tu apne
ḳharab mat kare ḳhilqat ḳhuda se Dar vaa.iz
yahan vahan pe tujhe gar najat hai manzur
kisi faqir ke qadmon par sar ko dhar vaa.iz
tu kahiyo pir-e-mughan se salam ‘afridi’
agar ba-ku-e-ḳharabat ho guzar vaa.iz
Leave a Reply