Abdul Ahad Saaz
aur bisat-e-khayal be-payan
aur muayyan hudud-e-sharh-o-bayyan
tez-raftar gardish-e-halat
aur ahistagi-e-umr ravan
ajnabiyyat ka mustaqil ik bojh
aur shanasaiyon ka bar-e-giran
aql ki khami narasi dil ki
aur tasavvur-shikan haqiqat-e-jan
mukhtalif har vajud pesh-e-nazar
aur imkan-e-vahdat-e-imkan
fikr uqda-kushaiyon pe musir
aur sar-rishte hi ka khud fuqdann
intiha silsilon ki na-malum
aur har lamha silsila-e-jumban
mutavatir marahil-e-talim
aur musalsal madarij-e-nisyan
shoba-ha-e-khayal be-tamiz
aur bahr-e-shanakht mohr-o-nishan
chaar janib sarahton ka hujum
aur bahr-e-rumuz be-payan
sail-e-bairun ravan ba-tarz-e-digar
aur ju-e-andarun alag si ravan
ek khoi hui fazae-hayat
aur ehsas-o-fikr sab ghaltan
aur sanson ki rahguzar pe hujum
aur ankhon ki rahguzar viran
Leave a Reply