waseem-barelvi

Tahrir Se Warna Meri Kya Ho Nahin Sakta

tahrir se varna miri kya ho nahin sakta

ik tu hai jo lafzon men ada ho nahin sakta

ankhon men khayalat men sanson men basa hai

chahe bhi to mujh se vo juda ho nahin sakta

jiina hai to ye jabr bhi sahna hi padega

qatra huun samundar se khafa ho nahin sakta

gumrah kiye honge kai phuul se jazbe

aise to koi rah-numa ho nahin sakta

qad mera badhane ka use kaam mila hai

jo apne hi pairon pe khada ho nahin sakta

ai pyaar tire hisse men aaya tiri qismat

vo dard jo chehron se ada ho nahin sakta

More Poems

Leave a Comment