Poet
jo dil men ḳhun-e-tamanna kiya na karte ham
to misl-e-shola bhaḌak kar jala na karte ham
agar na kashmakash-e-vahshat-e-junun hoti
to chaak jaib-o-gareban kiya na karte ham
agar na ḳhatir-e-sayyad par garan hote
to yuun taḌap ke qafas se uḌa na karte ham
umiid naqsh pe aane ki tere gar hoti
to apne jiine ki hargiz dua na karte ham
na hote tere taghaful ke ham agar kushte
to zer-e-tegh kabhi dam liya na karte ham
jo dagh-e-sina-e-ashiq na mash.ali hota
to aftab se nisbat diya na karte ham
Leave a Reply