Tahayyur Ishq

ba-mushkil ek hairani ko

ankhon se nikala tha

ki phir ik aur hairani

ye basti kaisi basti hai jahan par

mera har ik ḳhvab

hairani ki ik chadar ko odh

so raha hai

aur tahayyur ki qaba pahne hue hain

ashk saare

aur yahan tak ki hamare ishq ne bhi

hijr ke ik sang par jo lafz likkha hai

vo hairat hai

vahi ik lafz jo ab mere dil ke

aine se barsar-e-paikar hai

aur kaun jaane

aina baaqi rahega

ya hamare ishq ki hairat

Leave a Comment