dulhan bhi agar ban ke aaegi raat
hamen be-tumhare na bhaegi raat
hamen hijr men ḳhuun rulaegi raat
hamare lahu men nahaegi raat
bahut ḳhvab-e-ghaflat men din chadh gaya
utho sone vaalo phir aaegi raat
ham us se ziyada siyah-baḳht hain
hamen tirgi kya dikhaegi raat
na taale talega ye roz-e-firaq
qasam aaj aane ke khaegi raat
‘saḳhi’ ad ke baithi hai ghar par mire
bas ab jaan hi le ke jaegi raat