Poet
taḌap kali ki hai ye ishrat-e-numu ke liye
ki iztirab hai irfan rang-o-bu ke liye
rumuz-e-arsh to khul ja.enge kabhi na kabhi
hayat vaqfa hai ḳhud apni justuju ke liye
kuchh is qadar dil-e-pur-shauq be-ḳhabar bhi nahin
magar ba-zid hai vo anjam-e-arzu ke liye
chaman men ghunche hue ma.il-e-azan jis dam
luTa.i sub.h ne shabnam vahin vuzu ke liye
shamim-e-gulshan-e-rizvan ba-sad niyaz aa.i
ḳhiraj le ke tiri zulf-e-mushkbu ke liye
jigar ka chaak hi marhun-e-baḳhiya-gar kyuun ho
ye ḳhud hi rishta-e-sozan bhi hai rafu ke liye
nadim kis ke qadam hain ye zeb-e-kahkashan
chala ye kaun kidhar kis ki justuju ke liye
Leave a Reply