Syed Kashif Raza
taḌap bhi hai miri aur ba.is-e-sukun bhi hai
tira badan mira hasil bhi hai, junun bhi hai
badan pe dauḌti ankhon ki pyaas ghaur se paḌh
ki aankh zarra-e-sahra-e-andarun bhi hai
qubul kar nigah-e-pa.emal ḳhush-badani
miri ana ka ye parcham hai, aur nigun bhi hai
miri nigah bhi bahki hui hai kuchh, aur kuchh
haya-e-husn ruḳh-e-yar par fuzun bhi hai
tumhari diid ki bhi hai mahak in ankhon men
isi navah men ḳhushbu-e-ju-e-ḳhun bhi hai
Leave a Reply