Poet
taḌap alam men nahin hai sukun ḳhushi men nahin
bahut dinon se koi lutf zindagi men nahin
agar ye sach hai to lazim hai ḳhud-faramoshi
ḳhud-agahi ke siva kuchh ḳhud-agahi men nahin
jami hui hai shab-e-hijr-e-asman pe nazar
tiri jhalak to sitaron ki raushni men nahin
jo ahl-e-dil ho to mafhum-e-ḳhamushi samjho
ye kya kaha koi mafhum ḳhamushi men nahin
kamal-e-dard pe nazan hain ashiqi vaale
ma.al-e-dard abhi zehn-e-ashiqi men nahin
bas ab to un ki nazar yaad aa ga.i ‘shahid’
jo baat un ki nazar men hai sha.iri men nahin
Leave a Reply