tabsira kyon kar rahe ho barha ajdad par
faisla hoga tumhara aaj ki buniyad par
baat teri mil-mila kar Thiik hai naqqad par
sher achchha ya bura hai munhasir hai daad par
sab hifazat kar rahen hain mustaqil divar ki
jab ki hamla ho raha hai mustaqil buniyad par
kaise nikaloge bhala apne gunah ke jaal se
tum ne to ilzam saara rakh diya sayyad par
dar-ba-dar phirna paḌega ashiqon ko umr bhar
zulm sahna lazmi hai varis-e-farhad par
maan ke pairon ke tale jannat ki ne.amat hai magar
baap ka saaya bhi ‘ahya’ chahiye aulad par
Leave a Reply