surḳhi-e-rang-e-shafaq nur-e-sahar le ke chalo
rahravo mash.al-e-ḳhurshid-o-qamar le ke chalo
jazba-e-jehd-e-musalsal tapish-e-azm-e-javan
ab jo chalte ho to ye zad-e-safar le ke chalo
phunk Dalen jo har ik ḳhirman-e-fikr-e-batil
apni bebak nigah men vo sharar le ke chalo
tum ko karna hai madava-e-gham-e-naua-e-bashar
dard-e-dil le ke chalo soz-e-jigar le ke chalo
aaj phir ahl-e-vatan ko hai zarurat ‘at.har’
nazr-e-jan le ke chalo hadiya-e-sar le ke chalo
Leave a Reply