Sufi

Ye Tan Ghira Hua Chhote Se Ghar Mein Rahta Hai

ye tan ghira hua chhoTe se ghar men rahta hai

par apna man ki jo har dam safar men rahta hai

dhanak ki tarah nikharta hai shab ko ḳhvabon men

vahi jo din ko miri chashm-e-tar men rahta hai

visal us ko likhun main ki hijr ka aghaz

jo ek lamha musalsal nazar men rahta hai

chalo vo ham nahin koi to hai zarur ki jo

sukun se saya-e-divar-o-dar men rahta hai

hai tang jis pe bahut vus.at-e-zaban-o-bayan

vo harf ik nigah-e-muḳhtasar men rahta hai

More Poems

Leave a Comment