surat se vo bezar hai ma.alum nahin kyuun
dil phir bhi talabgar hai ma.alum nahin kyuun
har shaḳhs ko baḳhshi ga.i tam.iz-e-bad-o-nek
har-shaḳhs ziyan-kar hai ma.alum nahin kyuun
ik chiiz ki sarmaya-e-rahat hai use log
kahte hain ki azar hai ma.alum nahin kyuun
patta bhi agar hilta hai to us ki raza se
aur banda gunahgar hai ma.alum nahin kyuun
din-dar hai zahid ki zaban bhi mira dil bhi
phir muft ki takrar hai ma.alum nahin kyuun
Leave a Reply