ek rangin kahani hai tire shahr ki raat
haa.e ye kis ki javani hai tire shahr ki raat
bas yuun hi zulf bikhere hue aa ja ai dost
aaj kis darja suhani hai tire shahr ki raat
regzar-e-dil-e-sha.ir ke liye jan-e-ghazal
mauj-e-dariya ki ravani hai tire shahr ki raat
dil ki is kohar-zada yaas bhari basti men
tujh se hi maang ke laani hai tire shahr ki raat
baar ho ja.ega zehnon pe tasavvur din ka
aaj is tarah jagani hai tire shahr ki raat
vo nahin hai to ghamista-e-taḳhayyul ki qasam
‘hosh’ afsurda kahani hai tire shahr ki raat
Leave a Reply