narjis-afroz-zaidi

Surat-E-Haal-E-Dil Badalta Hai

surat-e-hal-e-dil badalta hai

koi rah rah ke haath malta hai

dhuup se kya shikayaten ki badan

chandni-rat men bhi jalta hai

niind tuuti hai kis ki aahat se

sath-e-dil par koi to chalta hai

ab kahan jaae mausam-e-hijran

mere angan men aa nikalta hai

aisa lagta hai bachpana ab bhi

mera anchal pakad ke chalta hai

More Poems

Leave a Comment