Poet
suraj sitare chand jo barbad ho ga.e
andhi sada ki qaid se azad ho ga.e
shahr-panah TuuT ke lo ho gaya khanDar
adh-kachchi arzuon se ham shaad ho ga.e
phir DhunDhti phiregi ye pagal hava kise
suune jazire ham se jo abad ho ga.e
lauT a.enge parinde na.i rut ke saath saath
qisse kahaniyon ke vo din yaad ho ga.e
iz.har chiḳhta nahin jazbat mar ga.e
kaise khilaune shahr men ijad ho ga.e
Leave a Reply