Suno Kawi Tausif Tabassum Is Dukh Se Kya Paoge

suno kavī tausīf tabassum is dukh se kyā pāoge

sapne likhte likhte āḳhir ḳhud sapnā ho jāoge

jaltī āñkhoñ jvālā phūTe ḳhushbū ghul kar rañg bane

dukh ke lākhoñ chehre haiñ kis kis se aañkh milāoge

har khiḌkī meñ phuul khile haiñ piile piile chehroñ ke

kaisī sarsoñ phūlī hai kyā aise meñ ghar jāoge

itne rañgoñ meñ kyuuñ tum ko ek rañg man bhāyā hai

bhed ye apne jī kā kaise auroñ ko samjhāoge

ab to sahar hone ko aa.ī ab to ghar ko lauT chalo

chāñd ke pīchhe pīchhe jitnā bhāgoge gahnāoge

dil kī baazī haar ke ro.e ho to ye bhī sun rakkho

aur abhī tum pyaar karoge aur abhī pachhtāoge

Leave a Comment