Asad Raza Sahar
suniye huzur mujh ko nahin sadgi pasand
kuchh kuchh fusun ke saath hai kuchh ḳhamushi pasand
rahte hain saanp ban ke miri astin men jo
un doston ki mujh ko nahin dosti pasand
virse men ye mili thi mujhe mehrban mire
is vaste mujhe hai bahut tirgi pasand
mujh se mila tha ḳhvab ke aalam men aur kaha
main be-sukun tha is liye ki ḳhud-kushi pasand
be-samt kar raha huun safar jan-bujh kar
kis ne kaha mujhe hai miyan raushni pasand
laḌki to kah rahi hai mujhe na-pasand hai
ab to bata hai tujh ko vahi vaqa.i pasand
dekho mumasalat ki bhi had ho ga.i ‘sahar’
us ko hai chand mujh ko bahut chandni pasand
Leave a Reply