sun mirī dāstān hairat meñ
hai zamīn āsmān hairat meñ
ik tahayyur hai chaar sū mere
rok dī hai uḌaan hairat meñ
aag hai phailtī hī jaatī hai
haiñ makīn aur makān hairat meñ
ain manzil pe lā ke chhoḌ diyā
ab talak huuñ maiñ jaan hairat meñ
ya.anī mahfūz huuñ ḳhudā shāhid
tiir shashdar kamān hairat meñ
ab vafā kī khapat nahīñ koī
band kar dī dukān hairat meñ
shor kartī hai aañkh pāgal sī
dekhtī hai zabān hairat meñ