sun kar kitni ankhen niklin
ik patthar men sansen niklin
ankhon se ik dariya nikla
dariya se kuchh lashen niklin
gham ke bhi kuchh phuul khile hain
zaḳhmon se bhi shaḳhen niklin
aage aage naḳhun aa.e
pichhe pichhe banhen niklin
jis ko khoya tha ankhon ne
us ko lene yaden niklin
kanTon ne kyuun jashn manaya
phulon se kyuun aahen niklin
un galiyon men rah kar dekha
din se raushan raten niklin
Leave a Reply