sukun hai hamnava-e-iztirab ahista ahista
mohabbat ho rahi hai kamyab ahista ahista
ajab aalam hai aghaz-e-surur-e-ishq ka aalam
uThe jaise ufuq se mahtab ahista ahista
sarishk-e-gham kabhi sham-e-juda.i ko bujha denge
yahi taare banenge aftab ahista ahista
ḳharab-e-nargis-e-mastana aḳhir ho gaya zahid
rasa hoti hai tasir-e-sharab ahista ahista
nashat-e-arzu ḳhvab-e-tamanna dard-e-mahrumi
mohabbat ne uTha.e sab hijab ahista ahista
ba-har-unvan musalsal chheḌ hai ab un ke jalvon se
bahak nikli nigah-e-baryab ahista ahista
‘ravish’ raz-e-mohabbat aaj bhi hai raz-e-la-yanhal
ghalat sabit hue saare javab ahista ahista
Leave a Reply