sukh isi ek baat ka hai mujhe
mera batin hi aa.ina hai mujhe
in se iz.har ki tavaqqo hai
teri ankhon men dekhna hai mujhe
aap ka hijr aḳhiri dukh hai
aap ka ishq dusra hai mujhe
sans-dar-sans kar raha huun ada
aur ye zindagi bhi kya hai mujhe
mujh ko avaz ab nahin darkar
meri ḳhamoshi hi sada hai mujhe
kaam duniya ke kar liye saare
mahz ab us ko bhulna hai mujhe
ek mujh men hai mubtala duniya
aadmi kitna sochta hai mujhe
ya.ani bina.i tak chali jaa.e
yahi rone ki intiha hai mujhe
Leave a Reply