Nadeem Bhabha
suhulat ho aziyyat ho tumhare saath rahna hai
ki ab koi bhi surat ho tumhare saath rahna hai
hamare rabte hi is qadar hain, tum ho aur bas tum
tumhen sab se mohabbat ho tumhare saath rahna hai
aur ab ghar-bar jab ham chhoḌ kar aa hi chuke hain to
tumhen jitni bhi nafrat ho tumhare saath rahna hai
hamare paanv men kilen aur a.ankhon se lahu Tapke
hamari jo bhi halat ho tumhare saath rahna hai
tumhen har sub.h aur har shaam hai bas dekhte rahna
tum itne ḳhubsurat ho tumhare saath rahna hai
Leave a Reply