Subh-E-Azal Se Sham-E-Abad Tak Aana Jaana Hota Hai

sub.h-e-azal se shām-e-abad tak aanā jaanā hotā hai

manzil tak jaane kā rasta kis ne paanā hotā hai

maiñ ik aurat huuñ ghar bhar kī zimmedārī hai merī

mardoñ ko to kaam baḌe haiñ chāñd pe jaanā hotā hai

merī baarī meñ hī qismat kyoñ kartī hai man-mānī

hone ko to jo hotā hai ek bahāna hotā hai

lailā aur majnūñ ke qisse tere mere qisse haiñ

ek hamesha mar jaatā hai ek dīvāna hotā hai

aaj hamāre bachche ham ko log purāne kahte haiñ

in ko kyā mālūm ki har dastūr purānā hotā hai

Leave a Comment