Farrukh Jafari
sochte rahne se kya qismat ka likkha ja.ega
jo bhi hona tha hua jo hoga dekha ja.ega
shahr ki sarhad talak pahuncha ke sab ruḳhsat hue
ab yahan se bas mire ham-rah sahra ja.ega
ab koi divar us ke samne rukti nahin
sail-e-girya ab mire roke na roka ja.ega
kya miri ankhon se duniya ḳhud ko dekhegi kabhi
kya kabhi meri tarah ik roz socha ja.ega
jaan ki baazi laga deni hai ‘farruḳh’ ab ki baar
tab kahin ja kar ye aa.e din ka jhagḌa ja.ega
Leave a Reply