Sitara Ho Ki Aansu Bas Chamak Hai

sitāra ho ki aañsū bas chamak hai

lagā le shart mujh se jis ko shak hai

kahāñ tak aap ko jaanā hai kahiye

nazar kā rāsta to dil talak hai

talātum ḳhez kar de un kī dhaḌkan

mirī chūḌī meñ aisī bhī khanak hai

mohabbat se use mansūb mat kar

mire lahje meñ jo thoḌī lachak hai

maiñ itnī duur bhī tum se nahīñ huuñ

hamāre darmiyāñ kuchh hai to shak hai

Leave a Comment