sisakte bam-o-dar rota hua ghar chhoḌ aaya huun
main ḳhud ko ek virane men ja kar chhoḌ aaya huun
jahan ehsas ki avaz bhi aati nahin mujh tak
main aisi be-hisi men ḳhud ko aksar chhoḌ aaya huun
akela main hi kyuun ab ye sukut mauj bhi TuuTe
thirakti jhiil ki ankhon men kankar chhoḌ aaya huun
bahut ujlat men apne zaḳhm main ne si liye lekin
kahin main jism ke andar hi nashtar chhoḌ aaya huun
jo ik tasvir thi dil men vo mujh se ban na paa.i to
main ek kaghaz pe saare rang bhar kar chhoḌ aaya huun
Leave a Reply