Saeed Ahmad Akhtar
sirf un ke kuche men jaan bichha ke chalte hain
varna chahne vaale sar uTha ke chalte hain
kya gunah hua un se kyuun tiri gali ke log
apne ghar ke andar bhi munh chhupa ke chalte hain
haan ḳhuda bhi ho shayad koi apni basti ka
hukm us jagah saare naḳhuda ke chalte hain
zaḳhm bhi nahin lagte ḳhuun bhi nahin bahta
tiir us ki mahfil men kis bala ke chalte hain
shaam ko unhen ‘aḳhtar’ gulistan men dekhenge
jab vo apni zulfon men dil saja ke chalte hain
Leave a Reply