Sanam Ke Dekh Kar Lab Aur Dahan surKH

sanam ke dekh kar lab aur dahan surḳh

huā hai ḳhūn-e-bulbul se chaman surḳh

shahīd-e-lāla-rūyāñ ko bajā hai

dafan ke vaqt gar kiije kafan surḳh

huā majnūñ ke haq meñ dasht gulzār

kiyā hai ishq ke Tesū ne ban surḳh

guloñ kā rañg ab zard ho gayā hai

chaman meñ dekh kar terā badan surḳh

kar ‘hātim’ yaad ahvāl-e-shahīdāñ

shafaq se jab ki hotā hai gagan surḳh

Leave a Comment