Aslam Kolsarii
sirf mere liye nahin rahna
tum mire ba.ad bhi hasin rahna
peḌ ki tarah jis jagah phuTa
umr-bhar hai mujhe vahin rahna
mashghala hai sharif logon ka
surat-e-mar-e-astin rahna
dili ujḌi udaas basti men
chahte the ka.i makin rahna
mar na jaa.e tumhari phulvari
qarya-e-zaḳhm ke qarin rahna
muskurata huun adatan ‘aslam’
kaun samjhe mira ghamin rahna
Leave a Reply