Poet
sirat achchhi hai tiri yaar jamal achchha hai
tu bahar-taur bas ai nek-ḳhisal achchha hai
be-qarari hai vo agli si na vo dard-e-jigar
ab to kuchh kuchh tire bimar ka haal achchha hai
kab tire ḳhal-e-munavvar se hain taare achchhe
kab tire abru-e-pur-ḳham se hilal achchha hai
dekh kar aa.ine men qamat-e-abru se kaha
gulshan-e-dahr men ik ye hi nihal achchha hai
ek bosa pe jo dil deta hai ‘sabir’ le lo
mol kam hai magar ai jaan ye maal achchha hai
Leave a Reply