Qurban Aatish
sinon men umḌe hain sad-mauja-e-gham rote hain
be-kafan laash liye saḌkon pe ham rote hain
kis liye ghaza-e-gham chehre pe malte hain aap
ham kahan jaate hue mulk-e-adam rote hain
aqrab-e-sham kise Dank nahin marte yaan
ham bhi rote hain magar aap se kam rote hain
kis qadar ho ga.e behis ye hamare sha.ir
aankh hi roti hai un ke na qalam rote hain
jism pe khaal bhi rahne nahin deta hai vo
dekh kar ham tire naa.ib ke karam rote hain
Leave a Reply