sinon men tapish hai kabhi shorish hai saron men
kya chiiz basa di ga.i miTTi ke gharon men
chalta huun sada saath liye apni fasilen
pahchan saka kaun mujhe ham-safaron men
uḌna hai to tahzib karo soz-e-darun ki
ye varna kahin aag laga de na paron men
ghairon men hui aam tiri daulat-e-didar
ik kohl-e-basar tha ki luTa be-basron men
do-gam pe tum ḳhud se bichhaḌ jaate ho ‘ḳhurshid’
aur log samajhte hain tumhen rahbaron men
Leave a Reply