Sine Mein Jab Dard Koi Bo Jata Hai

siine meñ jab dard koī bo jaatā hai

ro lete haiñ jī halkā ho jaatā hai

tadbīroñ ke maan dhare rah jaate haiñ

honā hotā hai jo vo ho jaatā hai

zaḳhmoñ meñ jab dard kī kaskan baḌhtī hai

naalā lab par aa ke duā ho jaatā hai

hijr kī shab ġham ke aañsū Dhote Dhote

kājal thak kar gāloñ par so jaatā hai

sāñsoñ meñ jab raah kī chaap mahaktī hai

man āñgan ḳhushbū ḳhushbū ho jaatā hai

Leave a Comment