sahir-ludhianvi

Jo Baat Tujh Mein Hai Teri Taswir Mein Nahin

jo baat tujh men hai tiri tasvir men nahin

rangon men tera aks Dhala tu na Dhal saki

sanson ki aag jism ki khushbu na Dhal saki

tujh men jo loch hai miri tahrir men nahin

be-jan husn men kahan guftar ki ada

inkar ki ada hai na iqrar ki ada

koi lachak bhi zulf-e-girah-gir men nahin

duniya men koi chiiz nahin hai tiri tarah

phir ek baar samne aa ja kisi tarah

kya aur ik jhalak miri taqdir men nahin

More Poems

Leave a Comment