siine men aag aankh su-e-dar lagi rahe
kaam intizar-e-yar men ai dil yahi rahe
pahlu ke saath chak-e-jigar bhi zarur hai
ḳhanjar ke saath ek qarauli lagi rahe
davat mah-e-siyam ki lazim hai zahido
das biis roz mashghala-e-mai-kashi rahe
ai tifl Dar hai chashm-e-bad-e-pir-e-charḳh ka
haikal zarur tere gale men paḌi rahe
so lutf-e-vasl uTha.enge ik aur le ke niind
ehsan hai jo murgh-e-sahar chup abhi rahe
tiin asmanon se nahin chhupta hai aftab
kab ik naqab se tiri surat chhipi rahe
aao na mere ghar to na jaao kisi ke ghar
meri ḳhushi rahe na tumhari ḳhushi rahe
sone ke vaqt ai gul-e-tar itr kya zarur
teri gali men raat ko champa-kali rahe
hukm-e-sharab de to dua duun ki ai faqih
maston ke haath se tiri izzat bachi rahe
ye gharra-e- se vafur-e-sharab ho
ḳhali ke ba.ad tak bhi tabi.at bhari rahe
ḳhali na koi sher ho bandish ke nuur se
ai ‘mehr’ alam-e-ghazal-e-‘anvari’ rahe
Leave a Reply