akhtar-ansari

Sina Khun Se Bhara Hua Mera

siina ḳhuun se bhara hua mera

uf ye bad-mast mai-kada mera

na rasai pe naaz hai jis ko

haae vo shauq-e-na-rasa mera

dil-e-gham-dida par ḳhuda ki maar

siina aahon se chhil gaya mera

yaad ke tund-o-tez jhonke se

aaj har daagh jal uTha mera

yad-e-mazi azaab hai yarab

chhin le mujh se hafiza mera

minnat-e-charḳh se bari huun men

na hua jite-ji bhala mera

hai baḌa shaghl zindagi ‘aḳhtar’

puchhte kya ho mashghala mera

More Poems

Leave a Comment