sina-e-sang men DhunDhta hai gudaz
de ḳhuda dil ko ik aur umr-e-daraz
ham dikhana bhi chahen agar kuchh ko kuchh
a.inon se karen kis tarah saz-baz
ik taraf ḳhvab hai ik taraf zindagi
dekhiye kaun hota hai ab sarfaraz
tere gham se mili dil ko vo zindagi
tujh se bhi kar diya hai hamen be-niyaz
is tarah meri ankhon se aansu bahe
be-vuzu hi ada ho ga.i har namaz
ru-ba-ru us ke dil hi ko le kar chalen
bah chalega to ḳhuun baj uThega to saaz
ye jhuke ya kaTe bas tire vaste
mere kandhon ko de vo sar-e-imtiyaz
un se bhi dil ko ‘asrar’ kaise kahin
raaz ko to ba-har-hal rakhna hai raaz
Leave a Reply