silsila raushan tajassus ka udhar mera bhi hai
ai sitaro us ḳhala men ik safar mera bhi hai
chaar janib khinch diin us ne lakiren aag ki
main ki chillaya bahut basti men ghar mera bhi hai
jaane kis ka kya chhupa hai us dhuen ki saf ke paar
ek lamhe ka ufuq ummid bhar mera bhi hai
raah asan dekh kar sab ḳhush the phir main ne kaha
soch liije ek andaz-e-nazar mera bhi hai
ab nahin hai us ki khiḌki ke tanazur men bhi chand
ek pur-asrar mausam se guzar mera bhi hai
ye bisat-e-arzu hai is ko yuun asan na khel
mujh se vabasta bahut kuchh daav par mera bhi hai
jiine marne ka junun dil ko hua ‘bani’ bahut
asman ik chahiye mujh ko ki sar mera bhi hai
Leave a Reply