waseem-barelvi

Jahan Dariya Kahin Apne Kinare Chhod Deta Hai

jahan dariya kahin apne kinare chhod deta hai

koi uthta hai aur tufan ka rukh mod deta hai

mujhe be-dast-o-pa kar ke bhi khauf us ka nahin jaata

kahin bhi hadisa guzre vo mujh se jod deta hai

bichhad ke tujh se kuchh jaana agar to is qadar jaana

vo mitti huun jise dariya kinare chhod deta hai

mohabbat men zara si bevafai to zaruri hai

vahi achchha bhi lagta hai jo vaade tod deta hai

More Poems

Leave a Comment