Sufi

Sikha Saki Na Jo Aadab-e-Mai Wo Khu Kya Thi

sikha saki na jo adab-e-mai vo ḳhu kya thi

jo ye na tha to phir is darja hav-hu kya thi

jo bar-e-dosh raha sar vo kab tha shorida

baha na jis se lahu vo rag-e-gulu kya thi

phir ek zaḳhm-e-kushada jo dil ko yaad aa jaae

vo lazzat-o-ḳhalish-e-sozan-o-rafu kya thi

jo izn-e-am na tha valiyan-e-mai-ḳhana

ye sab numaish-e-paimana-o-subu kya thi

agar nigah-e-jahan ke shumar men na the ham

to phir hamari ye shohrat bhi char-su kya thi

na ḳhun-e-shab tha na shab-ḳhun ye maan len lekin

shafaq tulu-e-sahar ko lahu lahu kya thi

jab aa rahi hain baharen liye payam-e-junun

ye pairahan ko mire hajat-e-rafu kya thi

tumhen shikayat-e-ahl-e-vatan hai kyuun sahab

ḳhud apne shahr men ‘ghalib’ ki aabru kya thi

More Poems

Leave a Comment