Poet
shorish se chashm-e-tar ki zi-bas gharq-e-ab huun
din raat bahr-e-gham men ba-rang-e-hubab huun
ye daur ab to hai ki raqibon ki bazm men
tu mast ho sharab se aur main kabab huun
mujh ḳhun-girafta par mire qatil kamar na bandh
men aap apne qatl ka ḳhvahan shitab huun
har sub.h-o-sham baagh men sahra men juun nasim
us gul ki justuju ki havas par ḳharab huun
hairat se us ko dekhte hain misl-e-a.ina
ifsha-e-dard-e-dil se khaḌa be-javab huun
agah hai ḳhuda hi ‘muhib’ roz kis liye
nazron men un butan ki mahall-e-itab huun
Leave a Reply