Manzar Shahab
sho.alon se lala-zar hai atish-kada hai dil
zaḳhmon ke shab-charagh ka ik silsila hai dil
ashkon ke rang-o-nur se ankhen dhuli dhuli
soz-o-farogh-e-karb se sad-soḳhta hai dil
naama mire vajud ka do lafz men asiir
pahchan meri ishq hai mera pata hai dil
sahna tamam vaar muqaddar usi ka hai
amajgah-e-ishq men goya zara hai dil
anjan hadson se munavvar hai ka.enat
lekin sabhon men sab se ajab hadisa hai dil
aadam ki fard-e-jurm virasat bani ‘shahab’
jannat ke mai-kade se uḌaya nasha hai dil
Leave a Reply