Poet
shitab kho ga.i piiri javani do din ki
chhupi sahar men shab-e-kamrani do din ki
kisi ki haat men dil de ke paanv lag (so) rahiye
ḳhushi se kyuun na kaTe zindagani do din ki
ye dil ko lagte hi toḌa jo un ne so ga.e baḳht
mere nasibon ki rah ga.i kahani do din ki
use main tauf ke halqa men ghere rakkha tha
ajab thi us pe miri pasbani do din ki
ye dagh-e-dil liye ja.unga gor men ‘uzlat’
mohabbat us ki thi so bhi zabani do din ki
Leave a Reply