Poet
shikva nahin hai is ka ki tum ne bhula diya
achchha kiya ki raah ka patthar haTa diya
gham ko nashat-e-zist ka unvan bana diya
us ne miri vafa ka ajab sa sila diya
yuun hans ke us ne toḌ diya rishta-e-ummid
jaise kisi ne ret pe likkha miTa diya
duniya ki kam-nigahi ke shikve ke saath saath
ye sochiye ki aap ne duniya ko kya diya
kuchh ham hi shab-gazida ujalon se Dar ga.e
duniya ne to adab se hamen rasta diya
main vo charagh-e-bazm-e-tamanna huun dosto
jis ko sahar se pahle hava ne bujha diya
Leave a Reply